Wikimedi'Òc

Versar un fichièr sus Commons

5
2
1

Sommari

Wikimedia Commons es una banca de fichièrs (imatges, sons, vidèos) liures de dreits dins la quala cadun se pòt servir e a la quala cadun pòt contribuir.

↪ Accedir a Commons

Wikimedia Commons, a de qué servís ?

Una banca d'imatges, es primièr l'endreit ont se van servir totes los jornalistas que vòlon parlar d'una tematica, mas qu'an pas de fotografia per l'illustrar. Es per aquò qu'es fòrça important que las tematicas ligadas a la cultura occitana i sián presentas.

Mas los imatges de Wikimedia Commons pòdon tanben servir a de particulars que vòlon illustrar una plaqueta, un desplegant, un libre... Per exemple, lo site BaRuLa, que prepausa una mapa interactiva dels lòcs remarquables en occitan, utiliza d'unas fòtos de Wikimedia Commons.

Qualas competéncias per contribuir ?

Sus Wikimedia Commons, podètz pas virar que de fichièrs realizats per vos o que son tombats dins lo domeni public. Vos cal doncas, primièr, aver de competéncias en fotografia o en vidèo per realizar aqueles fichièrs.

Lo versament dels fichièrs es pro simple, i a besonh que de se saber despatolhar amb un ordenador.

Podètz escriure la descripcion de vòstre fichièr en occitan o dins quala lenga que siá. I a doncas pas besonh de cap de competéncia en lenga per far de vèrsaments.

Mòde d'emplec per contribuir

Etapa 1 : crear un compte

Vos cal primièr crear un compte sus Wikimedia Commons o vos connectar se avètz ja un compte. Se avètz creat un compte sus Wikipèdia, Wikiccionari, Wikisources o Wikidata, utilizaretz lo meteis per Wikimedia Commons.

Etapa 2 : versar de fichièrs

La vidèo çai-jós explica cossí versar d'imatges sus Wikimedia Commons (mas lo procediment es lo meteis per versar de vidèos o de sons) :

Veire la vidèo sus Wikimedia Commons

Conéisser las categorias qu'existisson ja

Lo site photos-occitan.com recensa las fotografias de Wikimedia Commons que pertòcan la lenga e la cultura occitanas.

I podetz veire cossí son organizadas las categorias qu'existisson ja, las qualas an ja plan de fotografias, las qualas cal crear e/o emplenar...

CC-BY-SA - Aure Séguier 2018 -