Wikimedi'Òc

Revirar un itèm sus Wikidata

2
2
2

Sommari

Wikidata es una basa de coneissenças que conten de concèptes e indica lors relacions. Podètz revirar de concèptes en occitan.

↪ Accedir a Wikidata

Wikidata, a de qué servís ?

Una basa de coneissença permet a un ordenador de respondre rapidament a de questions ligadas a de donadas. Per exemple « Qualas son las ciutats mai grandas qu'an un conse qu'es una femna ? », « De qualas personas celèbras es l'aniversari uèi ? », « Quand d'enfants son nascuts en mejana en Anglatèrra aquestas 10 darrièras annadas ? », « Quals grops de musica cantan en occitan ? »...

Wikidata es una basa de coneissença que cadun pòt interrogar. Permet de far d'estatisticas, mas es tanben fòrça importanta per l'analisi de sens en tractament automatic del lengatge. Permet per exemple de bastir de servicis automatics de questions-responsas, d'analisi d'opinion a partir dels malhums socials, de resumit de tèxtes, de classificacion automatica de documents...

Demest las aplicacions que Wikidata fa possible se es plan completa en occitan, podèm imaginar, per exemple :

A mai Wikidata aurà de concèptes revirats en occitan, a mai aquela mena d'otisses serà eficaça e aisida a realizar.

Qualas competéncias per contribuir ?

Per revirar d'itèms sus Wikidata, cal las competéncias seguentas :

Mòde d'emplec per contribuir

Etapa 1 : crear un compte

Vos cal primièr crear un compte sus Wikidata o vos connectar se avètz ja un compte. Se avètz creat un compte sus Wikipèdia, Wikiccionari, Wikimedia Commons o Wikisources, utilizaretz lo meteis per Wikidata.

Etapa 2 : se connectar

Per poder revirar itèms en occitan, vos cal èstre connectat. Per vos connectar, clicatz sus « Log in » en naut a dreita del site de Wikidata.

Etapa 3 : causir l'occitan coma lenga de l'interfàcia

Vos cal aver causit l'occitan coma lenga de l'interfàcia. Se vòstra interfàcia es pas en occitan, vos cal clicar sul nom de la lenga de l'interfàcia. Se tròba a la debuta del menut del naut e es precedit de . Dins lo camp de recèrca qu'apareis, picar « occ » puèi clicar sus « occitan » quand apareis dins la lista de las lengas en-dejós.

Etapa 4 : revirar

Anatz a la pagina Itèms de Wikidata pas revirats. I trobaretz una lista generada a l'azard d'itèms a revirar (aquela lista càmbia a cada còp que dobrissètz la pagina). Clicatz sus un itèm per accedir a sa pagina Wikidata.

A la debuta de la pagina, avètz un tablèu amb las lengas, los libellats e las descripcions. Clicatz sus « modificar » a dreita al-dessús d'aquel tablèu.

Clicatz sus « entrar lo libellat en occitan » e picatz una revirada dels libellats dins las autras lengas.

Se i a de descripcions dins las autras lengas e que n'i a pas en occitan, clicatz sus « entrar la descripcion en occitan » e reviratz la descripcion a partir de las dins las autras lengas.

Clicatz sus « publica » a dreita al-dessús del tablèu.

Quand lo boton « modificar » torna aparéisser, es acabat. Podètz barrar la pagina.

CC-BY-SA - Aure Séguier 2018 -