Wikimedi'Òc

Contribuir als projèctes Wikimedia en occitan

Wikimedia a per tòca de partatjar las coneissenças de totes e de mutualizar lo saber. Dins aquela mira, prepausa mantun otís : enciclopèdia partatjada, banca d'imatges liures, corses en linha, obratges numerizats...

L'occitan es present sus mantun d'aqueles otisses. Mas per qu'o siá d'un biais eficaç, i a besonh de la participacion de totes.

Alara, al trabalh !

Legenda

5

Indica lo temps necessari per efectuar l'accion (en minutas)

5

Indica lo nivèl de competéncia informatica necessari (del mai bas 1 al mai naut 5)

5

Indica lo nivèl de coneissença en lenga necessari (del mai bas 1 al mai naut 5)

Participatz !

Los joguetsLos joguets

Campanha obèrta fins al 05-01-2019

Son las fèstas de fin d'annada. Los mainatges van aver un fum de polits presents per Nadal. Mas cossí se sonan en occitan ? E cossí se pronóncian ? Reviratz o registrats de noms de joguets per o far saber ! ↪ Veire los detalhs

Revirar un itèm sus Wikidata

Wikidata es una basa de coneissenças que conten de concèptes e indica lors relacions. Podètz revirar de concèptes en occitan.
2
2
2

Infòs

Registrar un mot sus Lingua Libre

Lingua Libre es una librariá d'enregistraments sonòres amb una foncionalitat d'enregistrament. Es pensada per ajudar a la salvagarda de las lengas minorizadas.
5
1
4

Infòs

Versar un fichièr sus Commons

Wikimedia Commons es una banca de fichièrs (imatges, sons, vidèos) liures de dreits dins la quala cadun se pòt servir e a la quala cadun pòt contribuir.
5
2
1

Infòs

Revirar los diferents projèctes sus Translatewiki

Translatewiki es l'interfàcia que permet de revirar los diferents projèctes de Wikimedia. De frasas e de títols i son prepausats a la revirada.
2
1
4

Infòs

Enriquesir la Wikipèdia occitana

Wikipèdia es una enciclopèdia en linha participativa. Se avètz un subjècte que coneissètz plan, podètz anar crear o completar la pagina que ne parla.
40
4
4

Infòs

Completar lo Wikiccionari

Lo Wikiccionari es un diccionari en linha collaboratiu. Lo podètz completar en ajustant de definicions, de traduccions, de tablèus de flexion... a un mot occitan.
10
4
4

Infòs

Geolocalizar d'imatges

Podètz ajustar las coordonadas e l'orientacion d'imatges de Wikimedia Commons que representan de luòcs. Los imatges geolocalizats seràn ajustats a OpenStreetMap.
2
2
1

Infòs

Illustrar lo Wikiccionari

Los articles del Wikiccionari son fòrça mai agradius a legir se son illustrats. Podètz ajustar d'imatges a las paginas que n'an pas.
3
2
1

Infòs

Illustrar la Wikipèdia

Los articles de la Wikipèdia son fòrça mai agradius a legir se son illustrats. Podètz ajustar d'imatges a las paginas que n'an pas.
3
2
1

Infòs

Contribuir als autres projèctes

Podètz tanben revirar de noms d'espècias sus Wikispecies versar d'òbras sus Wikisource, crear de libres pedagogics sus Wikibooks o de corses sus Wikiversity, redigir d'actus per Wikinews, porgir de citacions a Wikiquote...

Infòs

Pels desvolopaires

Podètz ajudar al desvolopament de Mediawiki, lo motor de wiki utilizat pels projèctes de Wikimedia. Podètz adaptar los projèctes qu'existisson pas encara per l'occitan. Podètz participar al desvolopament de softwares o crear vòstres pròpris projèctes.

Infòs

CC-BY-SA - Aure Séguier 2018 -