Wikimedi'Òc

Illustrar lo Wikiccionari

3
2
1

Sommari

Los articles del Wikiccionari son fòrça mai agradius a legir se son illustrats. Podètz ajustar d'imatges a las paginas que n'an pas.

↪ Accedir a Wikiccionari

Wikiccionari, a de qué servís ?

Es fòrça dificile d'aver, per quina lenga que siá, un diccionari complet e actualizat. De mots novèls son creats cada jorn e los diccionaris pòdon lèu èstre despassats. Lo numeric permet d'actualizar regularament un diccionari, e lo biais mai eficaç de recensar los mots a mesura que son creats es de far un diccionari collaboratiu. D'efièit es fòrça complicat, per una sola persona o una sola estructura, de téner actualizat un diccionari de tal biais que seguisca l'evolucion de la lenga. Es mai que mai lo cas per las lengas pauc dotadas, que mancan de mejans umans e financièrs per se consacrar a de tascas d'aquela mena.

Lo Wikiccionari permet a cadun d'enriquesir la coneissença de la lenga, en postant expressions del lor parçan, en indicant variantas qu'un autre coneisserà pas, en nuançant una definicion, en balhant sinonimes... Per una lenga coma l'occitan, es tanben un biais de rebatar melhor la diversitat dels parlars.

A mai lo Wikiccionari, coma es connectat als Wiktionary de totas las autras lengas, permet de far de ponts o de cercar de correspondéncias que se trobarián pas endacòm mai.

Qualas competéncias per illustrar ?

Per illustrar un article del Wikipèdia, cal un nivèl de lenga sufisent per saber de qu'es lo mot pertocat e reconéisser, demest las diferentas definicions, las que correspòndon a l'illustracion que volèm integrar.

Cal tanben un petit nivèl en informatic per poder reperar, dins lo còdi de la pagina, l'endreit ont volèm metre l'imatge.

Per illustrar d'unes articles, pòt èstre necessari d'anar sus Wikimedia Commons recèrcar de fichièrs. Dins aqueles cases, vos calrà poder utilizar lo motor de recèrca de Wikimedia Commons e navigar al dintre de sas categorias e jos-categorias.

Mòde d'emplec per illustrar un article

Etapa 1 : crear un compte

Vos cal primièr crear un compte sus Wikipèdia o vos connectar se avètz ja un compte. Se avètz creat un compte sus Wikidata, Wikipèdia, Wikimedia Commons o Wikisources, utilizaretz lo meteis pel Wikiccionari.

Etapa 2 : cercar un article a illustrar

Lo mejan mai simple de trobar los articles pas illustrats es doncas de picar sus « Una pagina a l'azard » dins lo menut d'esquèrra, fins a çò qu'arribetz sus la pagina d'un article sens imatge d'illustracion.

Etapa 3 : accedir al còdi font de l'article

Vos cal reperar l'endreit ont volètz inserir l'imatge. L'imatge inserit se metrà automaticament a dreita del tèxte dins un quadre.

Clicatz sus « Modificar » per obténer lo còdi font de la pagina. Vos cal puèi reperar, dins lo còdi, l'endreit ont volètz metre l'imatge. Posicionatz lo cursor a la debuta del paragraf en fàcia del qual l'imatge serà afichat. En general, botam los imatges sus la linha en-dejós de la categoria gramaticala e, se n'i a un, en-dejós del tablèu de flexion.

Pagina « cap » sul Wikiccionari
Còdi font de la pagina « cap »

Etapa 4 : causir un imatge

Vos cal anar sus Wikimedia Commons per recèrcar un imatge qu'illustre plan l'article :

Etapa 5 : Inserir l'imatge

Tornatz sul wikiccionari e dins l'editor de còdi, après aver posicionat lo cursor a l'endreit ont volètz inserir l'imatge, clicatz sul boton d'insercion d'imatge Boton « Fichièr inserit ».

Dins la fenèstra que se dobrís, pegatz lo nom de l'imatge qu'avètz causit sus Wikimedia Commons. Dintratz una legenda descriptiva per aquel imatge (un detzenat de mot maximum).

Bóstia d'insercion d'un imatge

Quand avètz acabat, clicatz sus « Inserir ». Podètz veire qu'un còdi correspondent a un imatge s'es ajustat a la pagina.

Còdi de la pagina « cap » amb un imatge d'illustracion

Etapa 6 : Salvagardar las modificacions

Per salvagardar las modificacions, vos cal clicar sus « Publicar las modificacions » en bas de la pagina.

Pagina « cap » amb un imatge d'illustracion
CC-BY-SA - Aure Séguier 2018 -