Wikimedi'Òc
Mòdes d'emplec
Se sètz desvolopaires, podètz contribuir a la creacion de novèls otisses per Wikimedia o al manteniment dels otisses existents.
Mediawiki es lo motor de wiki utilizat per l'ensemble dels projèctes de Wikimedia, mas tanben per nombroses autres wikis. Podètz ajudar a son desvolopament, a son melhorament... Una pagina del site de Mediawiki presenta los mantuns biaisses d'i contribuir.
Lo Wikimedia Incubator es l'endreit ont los projèctes potencials de wikis dins de novèlas lengas (pels otisses Wikipedia, Wikibooks, Wikinews, Wikiquote, Wiktionary e Wikivoyage) pòdon èstre adobats, escriuts, testats e provats aptes a èstre albergats per la fondacion Wikimedia.
Se volètz prepausar de novèls projèctes, o podètz far sus una pagina dedicada del Meta-wiki Wikimedia. Aqueste es lo site global de la comunautat pels projèctes Wikimedia e lo movement Wikimedia en general. Las discussions i van de la coordinacion e la documentacion a la planificacion e l'analisi de las futuras activitats de Wikimedia.
Phabricator es una plataforma de collaboracion obèrta a totes los contributors de Wikimedia. Es mai que mai utilizada per gerir lo trabalh ligat als projèctes de software, mas las iniciativas que son pas tecnicas i son tanben las benvengudas. I trobaretz un fum de projèctes en desvolopament als quals podètz participar, e poiretz tanben aviar vòstres pròpris projèctes.